.. ఆరుణికోపనిషత్ ..


.. ఆరుణికోపనిషత్ ..  16

ఆరుణికాఖ్యోపనిషత్ఖ్యాతసంన్యాసినోఽమలాః .
యత్ప్రబోధాద్యాన్తి ముక్తిం తద్రామబ్రహ్మ మే గతిః ..
౐ ఆప్యాయన్త్వితి శాన్తిః ..
౐ ఆరుణిః ప్రాజాపత్యః ప్రజాపతేర్లోకం జగామ . తం
గత్వోవాచ . కేన భగవన్కర్మాణ్యశేషతో విసృజామీతి .
తం హోవాచ ప్రజాపతిస్తవ
పుత్రాన్భ్రాతృఇన్బన్ధ్వాదీఞ్ఛిఖాం యజ్ఞోపవీతం యాగం
స్వాధ్యాయం
భూర్లోకభువర్లోకస్వర్లోకమహర్లోకజనోలోకతపోలోకసత్యలోకం
చాతలతలాతలవితలసుతలరసాతలమహాతలపాతాలం బ్రహ్మాణ్డం
చ విసృజేత్ . దణ్డమాచ్ఛాదనం చైవ కౌపీనం చ
పరిగ్రహేత్ . శేషం విసృజేదితి .. ౧..
గృహస్థో బ్రహ్మచారీ వా వానప్రస్థో వా ఉపవీతం భూమావప్సు
వా విసృజేత్ . లౌకికాగ్నీనుదరాగ్నౌ సమారోపయేత్ .
గాయత్రీం చ స్వవాచాగ్నౌ సమారోపయేత్ . కుటీచరో
బ్రహ్మచారీ కుటుంబం విసృజేత్ . పాత్రం విసృజేత్ .
పవిత్రం విసృజేత్ . దణ్డాౕంలోకాంశ్చ విసృజేదితి హోవాచ
. అత ఉర్ధ్వమమన్త్రవదాచరేత్ . ఊర్ధ్వగమనం విసృజేత్ .
ఔషధవదశనమాచరేత్ . త్రిసన్ధ్యాదౌ స్నానమాచరేత్ .
సన్ధిం సమాధావాత్మన్యాచరేత్ . సర్వేషు
వేదేష్వారణ్యకమావర్తయేదుపనిషదమావర్తయేదుపనిషదమావర్తయ్
ఏదితి .. ౨..
ఖల్వహం బ్రహ్మసూచనాత్సూత్రం బ్రహ్మసూత్రమహమేవ
విద్వాన్త్రివృత్సూత్రం త్యజేద్విద్వాన్య ఏవం వేద సంన్యస్తం మయా
సంన్యస్తం మయా సంన్యస్తం మయేతి త్రిరుక్త్వాభయం
సర్వభూతేభ్యో మత్తః సర్వం ప్రవర్తతే . సఖామాగోపాయోజః
సఖాయోఽసీన్ద్రస్య వజ్రోఽసి వార్త్రఘ్నః శర్మ మే భవ
యత్పాపం తన్నివారయేతి . అనేన మన్త్రేణ కృతం వాఇణవం
దణ్డం కౌపీనం
పరిగ్రహేదౌషధవదశనమాచరేదౌషధవదశనం
ప్రాశ్నీయాద్యథాలాభమశ్నీయాత్ . బ్రహ్మచర్యమహింసా
చాపరిగ్రహం చ సత్యం చ యత్నేన హే రక్షత హే రక్షత హే
రక్షత ఇతి .. ౩..
అథాతః పరమహంసపరివ్రాజకానామాసనశయనాదికం భూమౌ
బ్రహ్మచర్యం మృత్పాత్రమలామ్బుపాత్రం దారుపాత్రం వా
యతీనాం
కామక్రోధహర్షరోషలోభమోహదమ్భదర్పేచ్ఛాసూయామమత్వాహఙ్క్
ఆరాదీనపి పరిత్యజేత్ . వర్షాసు ధ్రువశీలోఽష్టౌ
మాసానేకాకీ యతిశ్చరేత్ ద్వావేవ వా విచరేద్ద్వావేవ వా
విచరేదితి .. ౩..
స ఖల్వేవం యో విద్వాన్సోపనయనాదూర్ధ్వమేతాని ప్రాగ్వా త్యజేత్
. పిత్రం పుత్రమగ్న్యుపవీతం కర్మ కలత్రం చాన్యదపీహ యతయో
భిక్షార్థం గ్రామం ప్రవిశన్తి పాణిపాత్రముదరపాత్రం వా .
౐ హి ౐ హి ౐ హీత్యేతదుపనిషదం విన్యసేత్ ..
ఖల్వేతదుపనిషదం విద్వాన్య ఏవం వేద పాలాశం
బైల్వమాశ్వత్థమౌదుమ్బరం దణ్డం మౌఞ్జీం మేఖలాం
యజ్ఞోపవీతం చ త్యక్త్వా శూరో య ఏవం వేద . తద్విష్ణోః
పరమం పదం సదా పశ్యన్తి సూరయః . దివీవ చక్షురాతతమ్ .
తద్విప్రాసో విపన్యవో జాగృవాంసః సమిన్ధతే . విష్ణోర్యత్పరమం
పదమితి . ఏవం నిర్వాణానుశాసనం వేదానుశాసనం
వేదానుశాసనమితి .. ౫..
౐ ఆప్యాయన్త్వితి శాన్తిః ..
ఇతి సామవేదీయారుణికోపనిషత్సమాప్తా ..

This page uses Unicode utf-8 encoding for devanagari. Please set the fonts and languages setting in your web browser to display the correct Unicode font. Questions, comments:sanskrit@cheerful.com