.. అమృతబిన్దు ..


౐ భద్రం కర్ణేభిః శృణుయామ దేవాః భద్రం పశ్యేమాక్షభిర్యజత్రాః .
స్థిరైరఙ్గైస్తుష్టువాంసస్తనూభిర్వ్యశేమ దేవహితం యదాయుః .
స్వస్తి న ఇన్ద్రో వృద్ధశ్రవాః స్వస్తి నః పూషా విశ్వవేదాః .
స్వస్తి నస్తార్క్ష్యోఽరిష్టనేమిః స్వస్తి నో బృహస్పతిర్దధాతు .
          ౐ శాన్తిః శాన్తిః శాన్తిః .
          హరిః ౐ ..

మనో హి ద్వివిధం ప్రోక్తం శుద్ధం చాశుద్ధమేవ చ .
అశుద్ధం కామసంకల్పం శుద్ధం కామవివర్జితమ్ .. ౧..

మన ఏవ మనుష్యాణాం కారణం బన్ధమోక్షయోః .
బన్ధాయ పిష్యాసక్తం ముక్తంయే నిర్విషయం స్మృతమ్ .. ౨..

యతో నిర్విష్యస్యాస్య మనసో ముక్తిరిష్యతే .
అతో నిర్విషయం నిత్యం మనః కార్యం ముముక్షుణా .. ౩..

నిరస్తనిషయాసఙ్గం సంనిరుద్ధం మనో హృది .
యదాఽఽయాత్యాత్మనో భావం తదా తత్పరమం పదమ్ .. ౪..

తావదేవ నిరోద్ధవ్యం యావద్ధృతి గతం క్షయమ్ .
ఏతజ్జ్ఞానం చ ధ్యానం చ శేషో న్యాయశ్చ విస్తరః .. ౫..

నైవ చిన్త్యం న చాచిన్త్యం న చిన్త్యం చిన్త్యమేవ చ .
పక్షపాతవినిర్ముక్తం బ్రహ్మ సంపద్యతే తదా .. ౬..

స్వరేణ సంధయేద్యోగమస్వరం భావయేత్పరమ్ .
అస్వరేణానుభావేన నాభావో భావ ఇష్యతే .. ౭..

తదేవ నిష్కలం బ్రహ్మ నిర్వికల్పం నిరఞ్జనమ్ .
తదబ్రహ్మామితి జ్ఞాత్వా బ్రహ్మ సంపద్యతే ధ్రువమ్ .. ౮..

నిర్వికల్పమనన్తం చ హేతుద్యాష్టాన్తవర్జితమ్ .
అప్రమేయమనాదిం చ యజ్ఞాత్వా ముచ్యతే బుధః .. ౯..

న నిరోధో న చోత్పత్తిర్న బద్ధో న చ సాధకః .
న ముముక్షుర్న వై ముక్త ఇత్యేషా పరమార్థతా .. ౧౦..

ఏక ఏవాఽఽత్మా మన్థవ్యో జాగ్రత్స్వప్నసుషుప్తిషు .
స్థానత్రయవ్యతీతస్య పునర్జన్మ న విద్యతే .. ౧౧..

ఏక ఏవ హి భూతాత్మా భూతే భూతే వ్యవస్థితః .
ఏకధా బహుధా చైవ దృష్యతే జలచన్ద్రవత్ .. ౧౨..

ఘటసంవృతమాకాశం నీయమానో ఘటే యథా .
ఘటో నీయేత నాఽకాశః తద్ధాజ్జీవో నభోపమః .. ౧౩..

ఘటవద్వివిధాకారం భిద్యమానం పునః పునః .
తద్భేదే న చ జానాతి స జానాతి చ నిత్యశః .. ౧౪..

శబ్దమాయావృతో నైవ తమసా యాతి పుష్కరే .
భిన్నో తమసి చైకత్వమేక ఏవానుపశ్యతి .. ౧౫..

శబ్దాక్షరం పరం బ్రహ్మ తస్మిన్క్షీణే యదక్షరమ్ .
తద్విద్వానక్షరం ధ్యాయేచ్ద్యదీచ్ఛేఛాన్తిమాత్మనః .. ౧౬..

ద్వే విద్యే వేదితవ్యే తు శబ్దబ్రహ్మ పరం చ యత్ .
శబ్దబ్రహ్మాణి నిష్ణాతః పరం బ్రహ్మాధిగచ్ఛతి .. ౧౭..

గ్రన్థమభ్యస్య మేధావీ జ్ఞానవీజ్ఞానతత్పరః .
పలాలమివ ధాన్యార్యీ త్యజేద్గ్రన్థమశేషతః .. ౧౮..

గవామనేకవర్ణానాం క్షీరస్యాప్యేకవర్ణతా .
క్షీరవత్పష్యతే జ్ఞానం లిఙ్గినస్తు గవాం యథా .. ౧౯..

ధృతమివ పయసి నిగూఢం భూతే భూతే చ వసతి విజ్ఞానమ్ .
సతతం మనసి మన్థయితవ్యం మను మన్థానభూతేన .. ౨౦..

జ్ఞాననేత్రం సమాధాయ చోద్ధరేద్వహ్గివత్పరమ్ .
నిష్కలం నిశ్చలం శాన్తం తద్బ్రహ్మాహమితి స్మృతమ్ .. ౨౧..

సర్వభూతాధివాసం యద్భూతేషు చ వసత్యపి .
సర్వానుగ్రాహకత్వేన తద్స్మ్యహం వాసుదేవః .. ౨౨..

౐ భద్రం కర్ణేభిః శృణుయామ దేవాః భద్రం పశ్యేమాక్షభిర్యజత్రాః .
స్థిరైరఙ్గైస్తుష్టువాంసస్తనూభిర్వ్యశేమ దేవహితం యదాయుః .
స్వస్తి న ఇన్ద్రో వృద్ధశ్రవాః స్వస్తి నః పూషా విశ్వవేదాః .
స్వస్తి నస్తార్క్ష్యోఽరిష్టనేమిః స్వస్తి నో బృహస్పతిర్దధాతు .
          ౐ శాన్తిః శాన్తిః శాన్తిః .
          హరిః ౐ ..

          .. ఇత్యథర్వవేదేఽమృత్బిన్దూపనిషత్సమాప్తా ..


Am\drtabindu Upani\dsadtransliterated by Anshuman Pandey [\emphapandey@u.washington.edu]16 April 1996

This page uses Unicode utf-8 encoding for devanagari. Please set the fonts and languages setting in your web browser to display the correct Unicode font. Questions, comments:sanskrit@cheerful.com