.. అమ్బాస్తోత్రమ్ - స్వామీ వివేకానన్ద..

           .. అమ్బాస్తోత్రమ్ ..

కా త్వం శుభకరే సుఖదుఃఖహస్తే
      ఆఘూర్ణితం భవజలం ప్రబలోర్మిభఙ్గైః .
శాంతిం విధాతుమిహ కిం బహుధా విభగ్నామ్
      మతః ప్రయత్నపరమాసి సదైవ విశ్వే ..
సంపాదయత్యవిరతం త్వవిరామవృతా
      యా వై స్థితా కృతఫలం త్వకృతస్య నేత్రీ .
సా మే భవత్వనిదినం వరదా భవానీ
      జానామ్యహం ధ్రువమిదం ధృతకర్మపాశా ..
కో వా ధర్మః కిమకృతం క్వః కపాలలేఖః
      కింవాదృష్టం ఫలమిహాస్తి హి యాం వినా భోః .
ఇచ్ఛాపాశైర్నియమితా నియమాః స్వతంత్రైః
      యస్యా నేత్రీ భవతి సా శరణం మమాద్యా ..
సన్తానయన్తి జలధిం జనిమృత్యుజాలమ్
      సంభావయన్త్యవికృతం వికృతం విభగ్నమ్ .
యస్యా విభూతయ ఇహామితశక్తిపాలాః
      నాశ్రిత్య తాం వద కుత శరణం వ్రజామః ..
మిత్రే రిపౌ త్వవిషమం తవ పద్మనేత్రమ్
      స్వస్థే దుఃస్థే త్వవితథం తవ హస్తపాతః .
మృత్యుచ్ఛాయా తవ దయా త్వమృతఞ్చ మాతః
      మా మాం ముఞ్చన్తు పరమే శుభదృష్టయస్తే ..
క్వాంబా సర్వా క్వ గణనం మమ హీనబుద్ధేః
      ధత్తుం దోర్భ్యామివ మతిర్జగదేకధాత్రీమ్ .
శ్రీసఞ్చిన్త్యం సుచరణమభయపతిష్ఠమ్
      సేవాసారైరభినుతం శరణం ప్రపద్యే ..
యా మామా జన్మ వినయత్యతిదుఃఖమార్గైః
      ఆసంసిద్ధేః స్వకలితైర్ల్లలితైర్విలాసైః .
యా మే బుద్ధిం సువిదధే సతతం ధరణ్యమ్
      సాంబా సర్వా మమ గతిః సఫలే ఫలే వా ..


 Please send corrections to Sunder Hattangadi (sunderh@hotmail.com)
 Last updated on October 20 1998 for HTML version

This page uses Unicode utf-8 encoding for devanagari. Please set the fonts and languages setting in your web browser to display the correct Unicode font. Questions, comments:sanskrit@cheerful.com