.. ఆద్యంత శ్లోకాణి ..

           .. శ్రీ గీతాభాష్యమ్ ..

           shrI gItAbhAshhyam.h

Send corrections to H . P . Raghunandan hpraghu@genius.tisl.soft.net
OR Shrisha Rao shrao@nyx.net


          ఆది
          దేవంనారాయణం నత్వా సర్వదోషవివర్జితమ్  .
          పరిపూర్ణం గురూంశ్చాన్ గీతార్థం వక్ష్యామి లేశతః  .. ౧..

          అంత్య
          పూర్ణాదోషమహావిష్ణోర్గీతామాశ్రిత్య లేశతః  .
          నిరూపణం కృతం తేన ప్రియతాం మే సదా విభుః  .. ౧..

           .. శ్రీ బ్రహ్మసూత్రభాష్యమ్ ..

          ఆది
          నారాయణం సర్వగుణైరుదీర్ణం దోషవర్జితమ్  .
          జ్ఞేయం గమ్యం గురూంశ్చాపి నత్వ సూత్రార్థముచ్యతే  .. ౧..

          అంత్య
          జ్ఞానానందాదిభిస్సర్వైర్గుణైః పూర్ణాయ విష్ణవే  .
          నమోస్తు గురవే నిత్యం సర్వథాతిప్రియాయ మే  .. ౧..

          యస్య త్రీణ్యుదితాని వేదవచనే రూపాణి దివ్యాన్యలమ్  .
          బట్తద్దర్శనమిత్థమేవ నిహితం దేవస్య భర్గో మహత్  .
          వాయోరామవచనోయం ప్రథమకం పృక్షో ద్వితీయం వపుః  .
          మధ్వోయత్తు తృతీయకం కృతమిదం భాష్యం హరౌ తేనహి  .. ౨..

          నిత్యానందో హరిర్పూర్ణో నిత్యదా ప్రియతాం మమ  .
          నమస్తస్మై నమస్తస్మై నమస్తస్మై చ విష్ణవే  .. ౩..

           .. శ్రీమదణుభాష్యమ్ ..

          ఆది
          విష్ణురేవ విజిజ్ఞాస్యః సర్వకతార్ఽఽగమోదితః  .
          సమన్వయాదీక్షతేశ్చ పూర్ణానందోఽంతరః ఖవత్  .. ౧..

          అంత్య
          నమో నమోఽశేషదోషదూర పూర్ణగుణాత్మనే  .
          విరిఞ్చి శర్వపూర్వేడ్యవంద్యాయ శ్రీవరాయ తే  .. ౧..

           .. శ్రీమదనువ్యాఖ్యానమ్ ..

          ఆది
          నారాయణం నిఖిలపూర్ణగుణైకదేహం  .
          నిర్దోషమాప్యతమమప్యఖిలైస్సువాక్యైః  .
          అస్యోద్భవాదిదమశేషవిశేషతోఽపి  .
          వంద్యం సదా ప్రియతమం మమ సన్నమామి  .. ౧..

          తమేవ శాస్త్రప్రభవం ప్రణమ్య జగద్గురూణాం గురుమఞ్జసైవ  .
          విశేషతోమే పరమాఖ్యవిద్యా వ్యాఖ్యాం కరోమ్యన్వపి చాహమేవ  .. ౨..

          అంత్య
          నిఃశేషదోషరహిత కల్యాణాఖిలసద్గుణ  .
          భూతిస్వయంభుశర్వాదివంద్యం త్వాం నౌమి మే ప్రియం  .. ౧..

           .. శ్రీప్రమాణలక్షణమ్ ..

          ఆది
          అశేషగురుమీశేశం నారాయణమనామయమ్  .
          సంప్రణమ్య ప్రవక్ష్యామి ప్రమాణానాం స్వలక్షణమ్  .. ౧..

          అంత్య
          అశేషమానమేయైక సాక్షిణేఽక్షయమూర్తయే  .
          అజేశపురుహూతేడ్య నమో నారాయణాయ తే  .. ౧..

           .. శ్రీకథాలక్షణమ్ ..

          ఆది
          నృసింహమాఖిలాజ్ఞానతిమిరాశిశిరద్యుతిం  .
          సంప్రణమ్య ప్రవక్ష్యామి కథాలక్షణమఞ్జస  .. ౧..

          అంత్య
          సదోదితామితజ్ఞానపూరవారితహృత్తమాః  .
          నరసింహః ప్రియతమః ప్రియతాం పురుషోత్తమః  .. ౧..

           .. శ్రీఉపాధిఖణ్డనమ్ ..

          ఆది
          నారాయణోఽగణ్యగుణనిత్యైకనిలయాకృతిః  .
          అశేషదోషరహితః ప్రియతాం కమలాలయః  .. ౧..

          అంత్య
          మాయావాదతమోవ్యాప్తమితి తత్త్వదృషా జగత్  .
          భాతం సర్వజ్ఞసూర్యేణ ప్రీతయే శ్రీపదేస్సదా  .. ౧..

          నమోఽమందనిజానందసుందరసాంద్రమూర్తయే  .
          ఇందిరాపతయే నిత్యానందభోజనదాయినే  .. ౨..

           .. శ్రీమాయావాదఖణ్డనమ్ ..

          ఆది
          నరసింహోఽఖిలాజ్ఞానమతధ్వాంతదివాకరః  .
          జయత్యమితసజ్జ్ఞాన సుఖశక్తిపయోనిధిః  .. ౧..

          అంత్య
          నాస్తినారాయణ సమం న భూతో న భవిష్యతి  .
          ఏతేన సత్యవాక్యేన సర్వార్థాంసాధయామ్యహమ్  .. ౧..

           .. శ్రీమిథ్యాత్వానుమానధిఖణ్డనమ్ ..

          ఆది
          విమతం మిథ్యా దృశ్యత్వాద్యదిత్థం తత్తథా యథా సంప్రతిపన్నమ్ .
          ఇత్యుక్తే జగతోఽభావాదాశ్రయాసిద్ధః పక్షః  .. ౧..

          అంత్య
          యో దృశ్యతే సదానందనిత్యవ్యక్తచిదాత్మనా .
          నిర్దోషాఖిలకల్యాణగుణం వన్దే రమాపతిమ్ .. ౧..

           .. శ్రీతత్త్వసఙ్ఖ్యానమ్ ..

          ఆది
          స్వతంత్రమస్వతంత్రం చ ద్వివిధం తత్త్వమిష్యతే .
          స్వతంత్రోభగవాన్విష్ణుః  భావాభావౌద్విధేతరత్  .. ౧..

          అంత్య
          సృష్టిః స్థితిః సంహృతిశ్చ నియమోఽజ్ఞానబోధనే .
          బంధో మోక్షః సుఖం దుఃఖమావృతిర్జ్యోతిరేవ చ .
          విష్ణునాస్య సమస్తస్య సమాసవ్యాసయోగతః  .. ౧..

           .. శ్రీతత్త్వవివేకః ..

          ఆది
          స్వతంత్రం పరతంత్రం చ ప్రమేయం ద్వివిధం మతమ్  .
          స్వతంత్రోభగవాన్విష్ణుః  నిర్దోషాఖిలసద్గుణః  .. ౧..

          అంత్య
          య యేతత్పరతన్త్రం తు సర్వమేవ హరేః సదా  .
          వశమిత్యేవ జానాతి సంసారాన్ముచ్యతే హి సః  .. ౧..

           .. శ్రీతత్త్వోద్యోతమ్ ..

          ఆది
          సర్వత్రాఖిల సచ్ఛక్తిః స్వతంత్రోఽశేషదర్శనః  .
          నిత్యాతాదృశచిచ్ఛేత్యయంతేష్టో నో రమాపతిః  .. ౧..

          అంత్య
          సత్యచిచేత్యపతయే ముక్తాముక్తోత్తమాయ తే  .
          నమోనారాయణాయార్యవృందవందితపదద్వయ  .. ౧..

          జయత్యమితపౌరుషః స్వజనతేష్టచింతామణిః  .
          అజేశముఖవందితో గుణగణార్ణవః శ్రీపతిః  .. ౨..

          సర్వజ్ఞాసన్మునీంద్రోచ్చసన్మనః పఙ్కజాశ్రయః  .
          అజితో జయతి శ్రీశో రమాబాహులతాశ్రయః  .. ౩..

           .. శ్రీకర్మనిర్ణయః ..

          ఆది
          య ఈజ్యతే విధీశానశక్రపూర్వైముఖైః సదా  .
          రమాప్రణయినే తస్మై సర్వయజ్ఞాభుజే నమః  .. ౧..

          అంత్య
          నమోనారాయణాయాజభవ శక్రోష్ణరుఙ్ముఖైః  .
          సదా వందితపాదాయ శ్రీపాయ ప్రేయసేఽధికమ్  .. ౧..

           .. శ్రీవిష్ణుతత్త్వవినిర్ణయః ..

          ఆది
          సదాగమైక విజ్ఞేయం  సమతీతక్షరాక్షరమ్  .
          నారాయణం సదా వన్దే నిర్దోషాశేషసద్గుణమ్  .. ౧..

          విశేషణాని యానిహ కథితాని సదుక్తిభిః  .
          సాధయిష్యామి తాన్యేవ క్రమాత్ సజ్జన సంవిదే  .. ౨..

          అంత్య
          స్వతంత్రాయాఖిలేశాయ నిర్దోషగుణరూపిణే  .
          ప్రేయసే మే సుపూర్ణాయ నమో నారాయణాయ తే  .. ౧..

           .. శ్రీఋగ్భాష్యమ్ ..

          ఆది
          నారాయణం  నిఖిలపూర్ణగుణార్ణముచ్చ  .
          సూర్యామిత్తద్యుతిమశేషనిరస్తదోషమ్  .
          సర్వేశ్వరం గురుమజేశనుతం ప్రణమ్య  .
          వక్ష్యామ్యృగర్థమతితుష్టికరం తదస్య  .. ౧..

          అంత్య
          ఉపపృత్తః క్షత్రియైస్స ఆవేశేన జనార్దనః  .
          హన్తి శత్రూంశ్చ తైర్దేవో భయే చ స్వాశ్రయం దదౌ  .. ౧..

          వర్తాఽభిగంతా తరుతా జేతా చాస్య న హి క్వచిత్  .
          యుద్ధం మహాధనం త్వర్భం ప్రసిద్ధం ధనమేవ హి  .. ౨..

           .. శ్రీఐతరేయభాష్యమ్ ..

          ఆది
          నారాయణం నిఖిలపూర్ణగుణైకదేహమ్  .
          సర్వజ్ఞమచ్యుతమపేతసమస్తదోషమ్  .
          ప్రాణస్య సర్వచిదచిద్పరమేశ్వరస్య  .
          సాక్షాదధీశ్వరమియాం శరణం రమేశమ్  .. ౧..

          మహాభూతిశ్శ్రుతిస్సైశాం మహాభూతిర్యతో హరిః  .
          విశేషేణాత్ర కథితః సర్వజ్ఞాః శాశ్వతః ప్రభుః  .. ౨..

          అంత్య
          పూర్ణాగణ్యగుణోదారధామ్నే నిత్యాయ వేదసే  .
          అమందానందసాంద్రాయ ప్రేయసే విష్ణవే నమః  .. ౧..

           .. శ్రీతైత్తిరీయభాష్యమ్ ..

          ఆది
          సత్యం జ్ఞానమనంతమానందం బ్రహ్మ సర్వశక్త్యేకం  .
          సర్వైదేవైరీడ్యం విష్ణ్వాఖ్యం సర్వదైమి సుప్రేష్ఠమ్  .. ౧..

          అంత్య
          పూర్ణగణ్యగుణోదారధామ్నే నిత్యాయ వేదసే  .
          అమందానందసాంద్రాయ ప్రేయసే విష్ణవే నమః  .. ౧..

           .. శ్రీబృహదారణ్యకభాష్యమ్ ..

          ఆది
          ప్రాణాదేరీశితారం  పరముఖనిధిం సర్వదోషవ్యపేతమ్  .
          సర్వాంతస్థం సుపూర్ణం ప్రకృతి పతిమజం సర్వబాహ్యం సునిత్యమ్  .
          సర్వజ్ఞం సర్వశక్తిం సురమునిమనుజాద్యైస్సదా సేవ్యమానమ్  .
          విష్ణుం వన్దే సదాహం సకలజగదనాద్యంతమానందదం తమ్ .. ౧..

          అంత్య
          పూర్ణగణ్యగుణోదారధామ్నే నిత్యాయ వేధసే  .
          అమందానందసాంద్రాయ ప్రేయసే విష్ణవే నమః  .. ౧..

           .. శ్రీఈశావాస్యభాష్యమ్ ..

          ఆది
          నిత్యానిత్య జగద్ధాత్రే నిత్యాయ జ్ఞానమూర్తయే  .
          పూర్ణనందాయ హరయే సర్వయజ్ఞభుజే నమః  .. ౧..

          యస్మాద్బ్రహ్మేన్ద్రరుద్రదేవతానాం శ్రియోపి చ  .
          జ్ఞానస్ఫూర్తిస్సదా తస్మై హరయే గురవే నమః  .. ౨..

          అంత్య
          పూర్ణశక్తిచిదానందశ్రీతేజః స్పష్టమూర్తయే  .
          మమాభ్యధిక మిత్రాయ నమో నారాయణాయ తే  .. ౧..

           .. శ్రీకఠకభాష్యమ్ ..

          ఆది
          నమో భగవతే తస్మై సర్వతః పరమాయ తే  .
          సర్వప్రాణిహృదిస్థాయ వామనాయ నమో నమః  .. ౧..

          అంత్య
          నమో భగవతే తస్మై విష్ణవే ప్రభవిష్ణవే  .
          యస్యాహమాప్త ఆప్తేభ్యః యో మే ఆప్తతమస్సదా  .. ౧..

           .. శ్రీఛాన్దోగ్యభాష్యమ్ ..

          ఆది
          అత్యుద్రిక్త విదోష సత్సుఖ మహాజ్ఞానైకతాన్ప్రభా  .
          సర్వప్రాభవశక్తిభోగబలసత్సారాత్మదివ్యాకృతిమ్  .. ౧..

          సృష్టిస్థాననిరోధనిత్యనియతి జ్ఞానప్రకాశావృత్తి  .
          ధ్వాంతామోక్షవిమోక్షదం హరిమజం నిత్యం సదోపాస్మహే  .
          హయగ్రీవముఖోద్గీర్ణగీర్భిర్దేవీ రమాపతిమ్  .
          అస్తువద్విస్తృతగుణం భోగిప్రస్తరశాయినమ్  .. ౨..

          అంత్య
          నిత్యానందో హరిఃపూర్ణో నిత్యదా ప్రియతాం మమ  .
          నమస్తస్మై నమస్తస్మై నమస్తస్మై చ విష్ణవే  .. ౧..

           .. శ్రీఆథర్వణభాష్యమ్ ..

          ఆది
          ఆనందమజరం నిత్యమజమక్షయమచ్యుతమ్  .
          అనంతశక్తిం సర్వజ్ఞం నమస్యే పురుషోత్తమమ్  .. ౧..

          మనోర్వైవస్వతస్యాదావథర్వా బ్రహ్మణోఽజని  .
          మిత్రశ్చ వరుణస్చాథో ప్రహేతిర్హేతిరేవ చ  .
          బ్రహ్మణః ప్రథమే కల్పే శివః ప్రథమజః స్మృతః  .
          సనకాద్యాస్తు వారాహే బ్రహ్మా విష్ణోః సుతోగ్రజః  .. ౨..

          అంత్య
          ప్రియతాం భగవన్మహ్యం ప్రేష్ఠప్రేష్ఠతమస్సదా  .
          మమ నిత్యం నమామ్యేనం పరమోదారసద్గుణమ్  .. ౧..

           .. శ్రీమాణ్డూక్యభాష్యమ్ ..

          ఆది
          పూర్ణనందజ్ఞానశక్తి స్వరూపం నిత్యమవ్యయమ్  .
          చతుర్ధా సర్వభోక్తారం వందే విష్ణుం పరం పదమ్  .. ౧..

          అంత్య
          ఏకోపి నిర్విశేషోఽపి చతుర్ధా వ్యవహారభాక్  .
          యస్తం వందే చిదానందం విష్ణుం విశ్వాదిరూపిణమ్ .. ౧..

           .. శ్రీషట్ప్రశ్నభాష్యమ్ ..

          ఆది
          నమో భగవతే తస్మై ప్రాణాదిప్రభవిష్ణవే  .
          అమందానందసాంద్రాయ వాసుదేవాయ వేదసే  .. ౧..

          అంత్య
          నమో నమోస్తు హరయే ప్రేష్ఠప్రేష్ఠతమాయ మే  .
          పరమానందసందోహసాంద్రానంద వపుష్మతే  .. ౧..

           .. శ్రీతళవాకారోపనిషద్భాష్యమ్ ..

          ఆది
          అనంత గుణపూర్ణత్వాదగమ్యాయ సురైరపి  .
          సర్వేష్టదాత్రే దేవానాం నమో నారాయణాయ తే  .. ౧..

          అంత్య
          యశ్చిదానంద సచ్ఛక్తి సంపూర్ణో భగవాన్పరః  .
          నమోస్తు విష్ణవే తస్మై ప్రేష్ఠాయ ప్రేయసాం చ మే  .. ౧..

           .. శ్రీగీతాతాత్పర్యమ్ ..

          ఆది
          సమస్తగుణసంపూర్ణం సర్వదోషవివర్జితమ్  .
          నారాయణం నమస్కృత్య గీతాతాత్పర్యముచ్యతే  .. ౧..

          అంత్య
          నమస్తే వాసుదేవాయ ప్రేయసాం మే ప్రియోత్తమ  .
          సమస్తగుణసంపూర్ణ నిర్దోషానంద దాయినే  .. ౧..

          నిఃశేషదోషరహిత కల్యాణాశేషలసద్గుణ  .
          భూతిస్వయంభూశర్వాదివంద్యం త్వాం నౌమి మే ప్రియమ్  .. ౨..

          నమోజభవభూర్యక్షపురః సరసురాశ్రయ  .
          నారాయణారణం మహ్యం రమాపతే ప్రేయసాం ప్రియ  .. ౩..

           .. శ్రీన్యాయవివరణమ్ ..

          ఆది
          చేతనాచేతనజగన్నియంత్రేఽశేషసంవిదే  .
          నమోనారాయణయాజశర్వశక్రాదివందితమ్  .. ౧..

          అంత్య
          చేతనాచేతనాస్యాస్య సమస్తస్య యదిచ్ఛయా  .
          స మమ సుకృతేనైవ ప్రియతాం పురుషోత్తమః  .. ౧..

           .. శ్రీనరసింహనఖస్తుతిః ..

          ఆది
           పాన్త్వస్మాన్ పురుహూతవైరి బలవన్మాతఙ్గ మాద్యద్ఘటా .
           కుంభోచ్చాద్రి విపాటనాధికపటు ప్రత్యేక వజ్రాయితాః  .
           శ్రీమత్కంఠీరవాస్య ప్రతత సునఖరా దారితారాతిదూర .
           ప్రద్ధ్వస్తధ్వాంత శాంత ప్రవితత మనసా భావితానాకివృందైః  .. ౧..

          అంత్య
           లక్ష్మీకాంత సమంతతోఽపికలయన్ నైవేశితుస్తే సమమ్  .
           పశ్యామ్యుత్తమ వస్తు దూరతరతోపాస్తం రసోయోఽష్టమః  .
           యద్రోశోత్కర దక్ష నేత్ర కుటిలః ప్రాంతోత్థితాగ్ని స్ఫురత్ .
           ఖద్యోతోపమ విస్ఫులిఙ్గభసితా బ్రహ్మేశశక్రోత్కరాః  .. ౨..

           .. శ్రీయమకభారతమ్ ..

          ఆది
          ధ్యాయేత పరమానందం యన్మాతాపతిమయదపరమానందమ్  .
          ఉజ్ఝితపరమానందం పత్యాద్యాద్యాశ్రమైః సదైవ పరమానందమ్  .. ౧..

          అంత్య
          ఇతి నారాయణనామా సుఖతీర్థసుపూజితస్సురాయణనామా  .
          పూర్ణగుణైరధికజ్ఞాణేచ్ఛాభక్తిభిస్స్వధిక పూర్ణః .. ౧..

           .. శ్రీద్వాదశస్తోత్రమ్ ..

          ఆది
          వన్దే వన్ద్యం సదానందం వాసుదేవం నిరఞ్జనమ్  .
          ఇన్దిరాపతిమాద్యాది వరదేశ వరప్రదమ్  .. ౧..

          అంత్య
          ఆనందచంద్రికాస్యందక వందే ఆనందతీర్థపరానంద వరద  .. ౧..

           .. శ్రీకృష్ణామృతమహార్ణవమ్ ..

          ఆది
          అర్చితః సంస్మృతో ధ్యాతః కీర్తితః కథితః శృతః  .
          యో దదాత్యమృతత్త్వం హి స మాం రక్షతు కేశవః  .. ౧..

          అంత్య
          శ్రీమదానందతీర్థాఖ్య సహస్రకిరణోత్థితా  .
          గోతతిః సతతం సేవ్యా గీర్వాణైః సిద్ధిదా భవేత్  .. ౧..

           .. శ్రీతంత్రసారసంగ్రహః ..

          ఆది
          జయత్యబ్జభవేశేంద్రవందితః కమలాపతిః  .
          అనంత విభవానంద దశశ్తిజ్ఞానాదిసద్గుణః  .. ౧..

          విధిం విధాయ సర్గాదౌ తేన పృష్టోఽబ్జలోచనః  .
          ఆహ దేవో రమోత్సఙ్గవిలసత్పాదపల్లవః  .. ౨..

          యః సర్వగుణసంపూర్ణః సర్వదోషవివర్జితః  .
          ప్రియతాం ప్రీత ఏవాలం విష్ణుర్మే పరమః సుహృత్  .. ౩..

          అంత్య
          అశేషదోషోజ్ఝితపూర్ణసద్గుణం సదావిశేషాపగతోరురూపమ్  .
          నమామి నారాయణమప్రతీపం సదా ప్రియేభ్యః పరమాదరేణ  .. ౧..

           .. శ్రీసదాచారస్మృతిః ..

          ఆది
          యస్మిన్సర్వాణికర్మాణి సంన్యస్యాధ్యాత్మ చేతసా  .
          నిరాశీ నిర్మమో యాతి పరం జయతి సోఽచ్యుత  .. ౧..

          అంత్య
          అశేషకల్యాణ గుణనిత్యానుభవసత్తనుః  .
          అశేషదోషరహితః ప్రియతాం పురుషోత్తమః  .. ౧..

           .. శ్రీభాగవతతాత్పర్యనిర్ణయః ..

          ఆది
          సృష్టిస్థిత్యప్యేహానియతిదృశితమోబంధమోక్షాశ్చ  .
          యస్మాదస్య  శ్రీబ్రహ్మరుద్రప్రభృతి సురనరవ్యద్యీశశక్త్రవాత్మకస్య  .
          విష్ణోర్వ్యస్తాస్సమస్తాస్సకలగుణనిధిసర్వదోషవ్యపేతః  .
          పూర్ణనందోఽవ్యయో యో గురురపి పరమంశ్చితయేత్తం మహాంతమ్  .. ౧..

          అంత్య
          నిత్యాదోషస్వరూపాయ గుణపూర్ణాయసర్వదా .
          నారాయణాయ హరయే నమః ప్రేష్ఠతమాయ మే .. ౧..

           .. శ్రీభారతతాత్పర్యనిర్ణయః ..

          ఆది
          నారాయణాయ పరిపూర్ణగుణార్ణవాయ విశ్వోదయస్థితిలయోన్నియతి ప్రదాయ .
          జ్ఞానప్రదాయ విబుధాసుర సౌఖ్యదుఃఖ సత్కారణయ వితతాయ నమో నమస్తే  .. ౧..

          ఆసీదుదారగుణవారిధిరప్రమేయో నారాయణః పరతమః పరమాత్స ఏకః  .
          సంశాంతసంవిదఖిలం జఠరే నిధాయ లక్ష్మీభుజాంతరగతస్స్వరోతోఽపిచాగ్రే  .. ౨..

          అంత్య
          తస్మాదయం  గ్రంథవరోఽఖిలోరుధర్మాదిమోక్షాంతపుమర్థహేతుః  .
          కిఞ్చోదితైస్తస్యగుణైస్తదోన్యైర్నారాయణః ప్రీతిముపైత్యతోలమ్  .. ౧..

          యస్సర్వగుణసంపూర్ణస్సర్వదోషవివర్జితః  .
          ప్రియతాం ప్రీత ఏవాలం విష్ణుర్మే పరమస్సుహృత్  .. ౨..

           .. శ్రీయతిప్రణవకల్ప ..

          ఆది
          నత్వా నారాయణం వన్దే పూర్ణం బ్రహ్మహరార్చితమ్  .
          యతేరాచరణం వక్ష్యే పూర్ణశాస్త్రనుసారతః  .. ౧..

          సమిచ్చర్వాదికాన్హుత్వ సమ్యక్పురుషసూక్తతః  .
          సర్వేశామభయం దత్వా విరక్తః ప్రవ్రజేద్ధరిమ్  .. ౨..

          అంత్య
          ధ్యేయో నారాయణో నిత్యం సృష్టిస్థిత్యంతకారకః  .
          భక్తానాం ముక్తిదో నిత్యామధమాజ్ఞానినాం తమః  .. ౧..

          తదర్థాన్ బ్రహ్మసూత్రేణ సమ్యఙ్గ్నిర్ణయ తత్త్వతః  .
          విష్ణోస్సర్వోత్తమత్వం హి సర్వదా ప్రతిపాదయ  .. ౨..

           .. శ్రీజయంతీనిర్ణయ ..

          ఆది
          రోహిణ్యామర్ధరాత్రే తు యదా కృష్ణాష్టమి భవేత్  .
          జయంతీనామ సా ప్రోక్తా సర్వపాపప్రణాశిని  .. ౧..

          ప్రభాతకాలే మేధావీ యోగాయేతీ యథావిధి  .
          నిత్యాన్హీకం ప్రకుర్వీత భగవంతమనుస్మరన్  .
          విశ్వాయేతి చ మంత్రేణ తతః స్వాపం సమాచరేత్  .. ౨..

          అంత్య
          సర్వాయేతి చ మన్త్రేణ తతః పారణమాచరేత్  .
          ధర్మాయేతి తతః స్వస్థో ముచ్యతే సర్వకిల్బిషైః  .. ౧..

           .. శ్రీకృష్ణస్తుతిః ..

          అంబరగఙ్గాచుంబితపాదః పదతలవిగలితగురుతరశకటః .
          కాళియనాగక్ష్వేలన హంతా సరసిజనవదల్వికసితనయనః  .
          కాలఘనాలికుర్బురకాయః శరశతశకలిత సురరిపునివహః .
          సంతతమస్మాన్పాతు మురారిః  సతతగసమజవఖగపతినిరతః .

          .. భారతీరమణముఖ్యప్రాణాంతర్గత శ్రీకృష్ణర్పణమస్తు ..

This page uses Unicode utf-8 encoding for devanagari. Please set the fonts and languages setting in your web browser to display the correct Unicode font. Questions, comments:sanskrit@cheerful.com